Në kuadër të programit “Akademia për Qeverisje Lokale – LGA”, Instituti Kosovar për Qeverisje Lokale (KLGI) mbajti modulin e dytë trajnues, ku u trajtuan dhe diskutuan tema kyçe si: Financat Lokale , Zhvillimi Ekonomik Lokal dhe Partneritetet .

Ky modul shërbeu si mundësi për reflektim mbi rrugën që duhet ndjekur për një zhvillim ekonomik lokal të qëndrueshëm . Trajnimi u fokusua në forcimin e kapaciteteve të komunave për menaxhimin efektiv të financave lokale, si dhe në zhvillimin e strategjive që mundësojnë rritjen ekonomike dhe përmirësimin e kushteve të jetesës për qytetarët . Gjithashtu, u diskutua për rëndësinë e partneriteteve për përballimin e sfidave të përbashkëta dhe arritjen e qëllimeve të zhvillimit, duke krijuar mundësi për investime dhe projekte që rrisin qëndrueshmërinë dhe prosperitetin lokal .

Pjesëmarrësit u angazhuan në diskutime konstruktive dhe janë të gatshëm të aplikojnë njohuritë e marra në përmirësimin e shërbimeve për qytetarët .

Akademia për Qeverisje Lokale (LGA) është program i avancuar i trajnimit që targeton zyrtarët e qeverisjes lokale, ministrive të linjës dhe akterët e shoqërisë civile .