KLGI përkrah procesin e rishikimit të Ligjit për Vetëqeverisje Lokale

Post author:KLGI
Post published:6 Gusht, 2021
Post category:Media / Uncategorized
Post comments:0 Comments

Instituti Kosovar për Qeverisje Lokale (KLGI) organizoi punëtorinë e dytë me temën, ‘Identifikimi i dykuptimësive, kolizionit ligjor dhe adresimi në procesin e rishikimit të Ligjit për Vetëqeverisje Lokale’. Kryesues dhe zyrtarë nga Kuvendet Komunale, në diskutim trajtuan çështjet që duhet adresuar, në procesin paraprak të amandamentimit/hartimit të Ligjit për Vetëqeverisje Lokale.

Në fokus u theksua nevoja për qartësimin e kompetencave, e në veçanti përgjegjësitë e komunave dhe sistemi i mbikëqyrjes së ligjshmërisë së akteve komunale. Njëkohësisht, që ndryshimet në Ligjin për Vetëqeverisje Lokale, të reflektohen në legjislacionin sekondar, duke ndërtuar edhe mekanizma që ndihmojnë në uljen e ambiguitetit dhe kolizionit ligjor.

Po ashtu, u adresuan problematikat me të cilat Kuvendet janë ballafaquar në praktikë gjatë punës së tyre, ku u dhanë rekomandime të cilat do t’i shërbejnë grupit punues në procesin e amandamentimit/hartimit të Ligjit për Vetëqeverisje Lokale.

Instituti KLGI, ka për synim të mbështes procesin, në veçanti që të rris pronësinë e akterëve në hartimin e politikave dhe legjislacionit, njëkohësisht t’i mbështes institucionet në zbatimin efikas.

Ky aktivitet u realizua në kuadër të projektit ‘Dialogue for European Municipalities (DEM)’ komponenta e përkrahjes për politika/legjislacion dhe ngritjen e kapaciteteve, i financuar nga Ambasada e Mbretërisë së Norvegjisë në Kosovë.

You Might Also Like

Besnik Tahiri: Klientelizmi po rrezikon ndërtimin e qeverisjes së mirë në Komunë

Media dhe Shoqëria Civile, artikulues të shqetësimeve të publikut

Zhvillimi ekonomik lokal kërkon agjendë të përbashkët të akterëve në funksion të zhvillimit

Lini një Përgjigje Anuloje përgjigjen