Planifikimi Strategjik, Zhvillimi i Projekteve dhe Menaxhimi i Kontratave

Instituti Kosovar për Qeverisje Lokale (KLGI), në bashkëpunim me Projektin për Decentralizim dhe Përkrahje të Komunave (DEMOS), organizoi konferencën me temën “Planifikimi Strategjik, Zhvillimi i Projekteve dhe Menaxhimi i Kontratave” .

Gjatë konferencës u prezantua raporti i cili përmban një analizë të thelluar dhe gjithëpërfshirëse të proceseve të planifikimit strategjik , zhvillimit të projekteve dhe menaxhimit të kontratave në komunat e Kosovës, duke theksuar gjithashtu ndërveprimin ndërinstitucional dhe bashkëpunimin me akterët relevantë në këto fusha.

Konferenca shërbeu si një platformë për diskutim dhe shkëmbim mendimesh , duke mundësuar që përfaqësues të institucioneve dhe organizatave të ndryshme të ndajnë perspektivat e tyre mbi përmirësimin e kapaciteteve administrative dhe avancimin e qeverisjes lokale, të orientuar drejt nevojave të qytetarëve .

Në panelin e diskutimit morën pjesë përfaqësues nga Ministria e Administrimit të Pushtetit Lokal dhe nga komuna të ndryshme, të cilët ndanë perspektivat e nivelit qendror dhe lokal lidhur me sfidat dhe mundësitë për përmirësim në këto fusha kyçe .